बिहि, अशोज २, २०८१
१ वर्ष पहिले
बैशाख-३०, स्वास्थ्य तथा जनसंख्या मन्त्रालयका अनुसार पछिल्लो २४ घण्टामा संक्रमित हुनेको संख्या ३७ जना रहेको छ ।हालसम्म नेपालमा संक्रमित हुनेको संख्या ११ लाख ५५ हजार ३ सय ५६ जना पुगेको छ ।
२४ घण्टामा २ सय ४७ जनाको पिसिआर परीक्षण गर्दा कोरोना संक्रमितको संख्या ११ जना रहेको छ । हालसम्ममा ६० लाख ४० हजार ४ सय ४८ जनाको पिसिआर भएको जनाईएको छ।
पछिल्लो २४ घण्टामा एन्टिजन विधिबाट २ हजार १ सय ४७ जनामा परीक्षण हुँदा संक्रमितको संख्या २६ रहेको छ। हालसम्ममा १५ लाख ८७ हजार २ सय ३६ जनाको एन्टिजन विधिबाट परीक्षण भएको जनाईएको छ ।
२४ घण्टामा निको हुनेको संख्या १४ जना रहेको छ । कुल निको हुनेको संख्या ९ लाख ९१ हजार ५९ जना पुगेको छ । नेपालमा कोरोना भाइरस संक्रमित निको हुने प्रतिशत ८६ रहेको छ ।
स्वास्थ्य तथा जनसंख्या मन्त्रालयका अनुसार पछिल्लो २४ घण्टामा कोरोनाबाट मृत्यु हुनेको संख्या शुन्य रहेको छ ।हालसम्म कोरोना भाइरसबाट मृत्यु हुनेको संख्या १२ हजार ३१ जना पुगेको छ ।
हाल देशभर सक्रिय संक्रमितको संख्या १ सय २६ जना रहेको छ।
