सोम, भदौ ३०, २०८१
१ वर्ष पहिले
जेठ-११, स्वास्थ्य तथा जनसंख्या मन्त्रालयका अनुसार पछिल्लो २४ घण्टामा संक्रमित हुनेको संख्या १४ जना रहेको छ ।हालसम्म नेपालमा संक्रमित हुनेको संख्या ११ लाख ६७ हजार ४ सय ४७ जना पुगेको छ ।
२४ घण्टामा ५९ जनाको पिसिआर परीक्षण गर्दा कोरोना संक्रमितको संख्या ३ जना रहेको छ । हालसम्ममा ६० लाख ४४ हजार २ सय ८८ जनाको पिसिआर भएको जनाईएको छ।
पछिल्लो २४ घण्टामा एन्टिजन विधिबाट ५ सय २१ जनामा परीक्षण हुँदा संक्रमितको संख्या ७ रहेको छ। हालसम्ममा १५ लाख ९५ हजार ३८ जनाको एन्टिजन विधिबाट परीक्षण भएको जनाईएको छ ।
२४ घण्टामा निको हुनेको संख्या १५ जना रहेको छ । कुल निको हुनेको संख्या ९ लाख ९१ हजार २ सय ४७ जना पुगेको छ । नेपालमा कोरोना भाइरस संक्रमित निको हुने प्रतिशत ८६ रहेको छ ।
स्वास्थ्य तथा जनसंख्या मन्त्रालयका अनुसार पछिल्लो २४ घण्टामा कोरोनाबाट मृत्यु हुनेको संख्या शुन्य रहेको छ ।हालसम्म कोरोना भाइरसबाट मृत्यु हुनेको संख्या १२ हजार ३१ जना पुगेको छ ।
हाल देशभर सक्रिय संक्रमितको संख्या ४१ जना रहेको छ।
