बिहि, मंसिर ५, २०८१
१ वर्ष पहिले
जेठ-१९, चितवन जिल्लाको इच्छाकामना र गोरखाको गण्डकी गाउँपालिका वरपर जेठ २०,२१ र २२ गते विद्युत सेवा अवरुद्ध हुने भएको छ ।
नेपाल विद्युत प्राधिकरण, भरतपुर वितरण शाखाले हाईवे समाचारलाई दिएको जानकारी अनुसार इच्छाकामना ४ धारापानी क्षेत्रमा ११ केभिए लाईनका जिर्ण भएका पोलहरु बाट नयाँ पोलमा लाइन सिफ्टिङ गर्ने भएको हुँदा तीन दिन दैनिक ५ घण्टा विधुत सेवा अबरुद्ध हुने भएको हो।
प्राधिकरणका अनुसार इच्छाकामना गाउँपालिकाको लेवाटार, कुरिनटार देखि मोबाखोला तथा गोरखाको गण्डकी गाउँपालिका अन्तर्गत मकैसिङ, गोर्दी र भुम्लीचोकमा बिहान ६:०० बजे देखि ११:०० बजेसम्म तीन दिन विद्युत सेवा अबरुद्ध हुने जनाएको छ।
तोकिएको समय अगावै काम सम्पन्न भएमा विद्युत सेवा पनि अगावै सुचारु हुने प्रधिकरणले जनाएको छ।
