श्रावण-२४,सरकारले ल्याएको शिक्षासम्बन्धी विधेयकप्रति आपत्ति जनाउँदै इच्छाकामनाका निजी तथा आवासीय विद्यालयहरुले ध्यानाकर्षण गराएका छन् ।

निजी तथा आवासीय विद्यालयका छाता संगठन प्याब्सन इच्छाकामना एकाईले आज इच्छाकामना गाउँपालिकाको शिक्षा शाखा प्रमुख शिक्षा अधिकृत दुर्गादेवी खड्कालाई ज्ञापनपत्र बुझाउँदै ध्यानाकर्षण गराएका हुन् ।

सो अवसरमा प्याब्सन इच्छाकामनाका फोकल पर्सन टंक त्रिपाठी, प्याब्सन चितवनका जिल्ला सदस्य राम थापा लगायत इच्छाकामनाका अन्य निजी विद्यालयका प्रतिनिधिहरु उपस्थित रहेका थिए।

ज्ञापनपत्रमा भनिएको छ “प्रस्तावित विधेयकले ५ वर्षभित्रमा निजी लगानीका विद्यालयले आफ्ना सम्पूर्ण दायित्व फरफारक गरी शैक्षिक गुठीमा रुपान्तरित हुनुपर्ने बाध्यात्मक प्रावधान समावेश गरिनु संविधानको भावना विपरित, अब्यवहारीक र दूराशययुक्त रहेको पत्रमा उल्लेख छ।”