बिहि, मंसिर ५, २०८१
११ महिना पहिले
काठमाडौं, पुस ३-
उत्तरपश्चिम चीनको गान्सु प्रान्तमा सोमबार मध्यरातमा ६.२ म्याग्निच्युडको भूकम्पमा गएको छ । गान्सु र छिमेकी छिङहाइ प्रान्तमा कम्तीमा १११ जनाको मृत्यु भएको स्थानीय भूकम्प राहत मुख्यालयले जनाएको छ । अन्तर्राष्ट्रिय सञ्चारमाध्यमहरूका अनुसार ५ सय भन्दा बढी मानिहरू घाइते भएका छन् । चीनमा गएको भूकम्पमा परी मृत्यु हुनेको संख्या कम्तीमा १११ पुगेकाे छ ।
केन्द्रबिन्दु १० किलोमिटरको गहिराइमा रहेको चाइना भूकम्प नेटवर्क सेन्टरले बताएका छन । सेन्टरका अनुसार राति ११ बजेर ५९ मिनेटमा भूकम्प गएको हो । भूकम्पले घर, सडक र अन्य पूर्वाधारमा क्षति पुर्याएको प्रत्यक्षदर्शीले बताएका छन् । करिब ४७०० घर क्षति ग्रस्त रहेकाे एजेन्सीले बताएका छन । गाउँमा विद्युत र खानेपानी अवरुद्ध भएको छ ।
उद्धारकाे लागी ८८ दमकल, १२ खोज तथा उद्धार कुकुर, १० हजार भन्दा बढी उपकरण सहित ५८० उद्धारकर्ता विपद् क्षेत्रमा पठाएको प्रान्तीय अग्नि तथा उद्धार विभागले बताएका छन ।
रेलवे प्राधिकरणले भूकम्प क्षेत्रबाट गुज्रने यात्रु र मालवाहक रेलहरू बन्द गरेको छ । एजेन्सी
