शनि, पुस ५, २०८१
२ महिना पहिले
असोज २३, मुुग्लिन । चितवनको इच्छाकामना ४ चेरेसमा अवस्थित मनकामना केबलकार सेवा थप तीन दिन बन्द हुने भएको छ ।
मनकामना दर्शन प्रालीका नायव प्रवन्ध निर्देशक उज्ज्वल शेरचनले दिनुभएको जानकारीअनुसार असोज २९ गतेदेखि कार्तिक १ गतेसम्म केवलकारको लठ्ठा छोट्याउनुको साथै मर्मत गर्नको लागि केवलकार सेवा तीन दिन बन्द हुने भएको छ।
यसअघि दिएको सुचना अनुसार असोज २६ गते विजयदशमी र २७ गते एकादशी दुई दिन पनि बन्द हुनेछ।
केबलकार सेवा असोज २८ सोमबार एकदिन सञ्चालन हुने र थप दिन केबलकार सेवा बन्द भएर कार्तिक २ गतेबाट नियमित सञ्चालन हुने नायब निर्देशक शेरचनले जनाउनुभयो।
