बुध, मंसिर २५, २०८१
१ दिन पहिले
मंसिर-२५, चितवनको इच्छाकामना गाउँपालिका-५ स्थित मर्स्याङ्दी शिक्षा सदन स्कुलमा लैंगिक हिंसा विरुद्धको १६ दिने अभियान अन्तर्गत एकदिने सचेतनामूलक कार्यक्रम सम्पन्न भएको छ।
इलाका प्रहरी कार्यालय मुग्लिनको आयोजनामा लैंगिक हिंसा विरुद्धको १६ दिने अभियान अन्तर्गतको अन्तिम दिन सो विद्यालयमा आयोजित कार्यक्रममा कक्षा ६ देखि १० का विद्यार्थीहरु, शिक्षक र कर्मचारीको सहभागिता रहेको थियो ।
कार्यक्रममा इलाका प्रहरी कार्यालय मुग्लिनका कार्यलय प्रमुख प्रहरी निरीक्षक निरला भण्डारीले लैङ्गिक हिंसा विरुद्ध प्रशिक्षण दिनुभएको थियो।
कार्यक्रमका प्रशिक्षक इप्रका मुग्लिनका प्रमुख निरला भण्डारीले विद्यार्थीहरूलाई लैङ्गिक हिंसा, घरेलु हिंसा, बालविवाह, यौन दुर्व्यवहार, विद्युतीय दुर्व्यवहार लगायतका बिषयमा जानकारी गराएका थिए।
