सोम, चैत्र १६, २०८१
३ दिन पहिले
चैत-१५, राजावादीले तीनकुने क्षेत्रको एक घरमा लगाएको आगलागीमा परी पत्रकारको मृत्यु भएको छ ।
एभिन्यूज टेलिभिजनमा कार्यरत सुरेश रजकको जलेर मृत्यु भएको हो । घटनास्थलमा रहेका एक एभिन्यूजकर्मीले यसको पुष्टि गरे । उनले भने, ” भवनमा हाम्रो साथी फसेको जानकारी गराउँदा पनि प्रहरीले बेवास्ता गर्यो । प्रहरीको लापरबाहीको कारण घटना घटेको हो ।”
उक्त घरमा लगाइएको आगो निभाएपछि रजकको शव जलेको अवस्थामा भेटिएको हो ।
प्रहरीसँगको झडपपछि तीनकुने क्षेत्रमा अवस्थित उक्त मार्बल हाउसमा आगजानी गरिएको थियो ।
त्नयसैगरी तीनकुनेमा राजावादी प्रदर्शनमा प्रहरीको गोली लागेर एक जनाको मृत्यु भएको छ ।
कीर्तिपुर नगरपालिका-४ बस्ने २९ वर्षीय सविन महर्जनको मृत्यु भएको गृह मन्त्रालयले पत्रकार सम्मेलन गरी जानकारी दिएको छ ।
