आइत, मंसिर ८, २०८१
४ वर्ष पहिले
फागुन-१२, स्वास्थ्य तथा जनसंख्या मन्त्रालयका अनुसार पछिल्लो २४ घण्टामा ९४ जना संक्रमित थपिएका हुन् । यो संगै नेपालमा संक्रमित हुनेको संख्या २ लाख ७३ हजार ७ सय ६० पुगेको छ ।
२४ घण्टामा ३ हजार ६ सय ९२ जनाको पिसिआर परीक्षण भएको छ । यो सँगै २१ लाख ५० हजार २ सय २५ जनाको पिसिआर भएको जनाईएको छ ।
देशभर सक्रिय संक्रमितको संख्या १ हजार ५ सय ५५ रहेको छ । होम आइसोलेसनमा रहनेको संख्या ५ सय ४५ रहेको छ भने संस्थागत आइसोलेसनमा १ हजार १० रहेको छ ।
पछिल्लो २४ घण्टामा ७१ जना निको भएका छन् । कुल निको हुनेको संख्या २ लाख ७० हजार १ सय ३९ पुगेको छ ।नेपालमा कोरोना भाइरस संक्रमित निको हुने प्रतिशत ९८.७ रहेको छ ।
स्वास्थ्य तथा जनसंख्या मन्त्रालयका २४ घण्टामा कोरोनाबाट मृत्यु हुनेको संख्या १ रहेको छ । हालसम्म कोरोना भाइरसबाट मृत्यु हुनेको संख्या २ हजार ६६ पुगेको छ ।
हाल क्वारेन्टिनमा ६३ जना रहेको छ । त्यस्तै आइसीयूमा अहिले ४४ जना र भेन्टिलेटरमा ११ जनाको उपचार भईरहेको छ ।
