आइत, मंसिर ८, २०८१
४ वर्ष पहिले
फागुन-१३, स्वास्थ्य तथा जनसंख्या मन्त्रालयका अनुसार पछिल्लो २४ घण्टामा ११२ जना संक्रमित थपिएका हुन् । यो संगै नेपालमा संक्रमित हुनेको संख्या २ लाख ७३ हजार ८ सय ७२ पुगेको छ ।
२४ घण्टामा ३ हजार ४ सय ११ जनाको पिसिआर परीक्षण भएको छ । यो सँगै २१ लाख ५३ हजार ६ सय ३६ जनाको पिसिआर भएको जनाईएको छ ।
पछिल्लो २४ घण्टामा ८४ जना निको भएका छन् । कुल निको हुनेको संख्या २ लाख ७० हजार २ सय २३ पुगेको छ ।नेपालमा कोरोना भाइरस संक्रमित निको हुने प्रतिशत ९८.७ रहेको छ ।
स्वास्थ्य तथा जनसंख्या मन्त्रालयका २४ घण्टामा कोरोनाबाट मृत्यु भएको संख्या १ रहेको छ भने कोरोना महामारीको व्यवस्थापन गरिरहेका अन्य निकायहरुको तथ्यांकको आधारमा अद्यावधिक गर्दा स्वास्थ्य मन्त्रालयको तथ्यांकमा भन्दा थप ८३ जनाको मृत्यु भएको पुष्टि भएको मन्त्रालयले जनाएको छ । । हालसम्म कोरोना भाइरसबाट मृत्यु हुनेको संख्या २ हजार ७ सय ६७ पुगेको छ ।
देशभर सक्रिय संक्रमितको संख्या ८ सय ८२ जना छन् भने क्वारेन्टिनमा ६६ जना रहेकाे छ ।
