आइत, मंसिर ८, २०८१
४ वर्ष पहिले
फागुन-१५, स्वास्थ्य तथा जनसंख्या मन्त्रालयका अनुसार पछिल्लो २४ घण्टामा ८१ जना संक्रमित थपिएका हुन् । यो संगै नेपालमा संक्रमित हुनेको संख्या २ लाख ७४ हजार ६५ पुगेको छ ।
२४ घण्टामा २ हजार ८ सय २४ जनाको पिसिआर परीक्षण भएको छ । यो सँगै २१ लाख ६० हजार ४ सय ४ जनाको पिसिआर भएको जनाईएको छ ।
पछिल्लो २४ घण्टामा ६२ जना निको भएका छन् । कुल निको हुनेको संख्या २ लाख ७० हजार ३ सय २५ पुगेको छ । कोरोना भाइरस संक्रमित निको हुने प्रतिशत ९८.६ रहेको छ ।
स्वास्थ्य तथा जनसंख्या मन्त्रालयका अनुसार २४ घण्टामा कोरोनाबाट मृत्यु भएको संख्या २ रहेको छ । हालसम्म कोरोना भाइरसबाट मृत्यु हुनेको संख्या २ हजार ७ सय ७३ पुगेको छ ।
देशभर सक्रिय संक्रमितको संख्या ९ सय ६७ जना छन् भने क्वारेन्टिनमा ६२ जना रहेकाे छ ।
