आइत, अशोज ५, २०८१
४ वर्ष पहिले
फागुन-२०, सरकार र नेत्रविक्रम चन्द्र ‘विप्लव’ नेतृत्वकाे नेकपाबीच तीन बुँदे सहमति भएको छ । प्रधानमन्त्री निवास बालुवाटारमा बिहीबार बिहान भएकाे वार्तामा तीन बुँदे सहमति भएकाे हाे ।
वार्तापछि विप्लव समूहले आफ्नाे सम्पूर्ण गतिविधि शान्तिपूर्णरूपमा गर्ने तथा सरकारले विप्लव समूहमाथिकाे प्रतिबन्ध हटाउने, सम्पूर्ण बन्दीकाे रिहाइ र मुद्दा खारेजीलगायतका विषयमा सहमति भएकाे हाे ।
सहमतिपछि सरकारी वार्ता टोलीका संयोजक गृहमन्त्री रामबहादुर थापा ‘बादल’ र विप्लव समूहका वार्ता टोली संयोजक खड्गबहादुर विश्वकर्मा ‘प्रकाण्ड’ले संयुक्तरुपमा हस्ताक्षर गरी प्रेस नोट जारी गरेका छन् ।
प्रेस विज्ञप्तिमा भनिएको छ, “फागुन २१ गते दिउँसो २ बजे विशेष समारोहकाबीच सहमतिको विस्तृत विवरण सार्वजनिक गरिनेछ । सो समारोहमा प्रधानमन्त्री केपी शर्मा ओली र नेत्रविक्रम चन्द ‘विप्लव’ले सम्बोधन गर्नु हुनेछ ।”
