शुक्र, अशोज ३, २०८१
३ वर्ष पहिले
२०७८,बैशाख-१, स्वास्थ्य तथा जनसंख्या मन्त्रालयका प्रवक्ता डा। जागेश्वर गौतम अनुसार पछिल्लो २४ घण्टामा ६ सय ३ जना संक्रमित थपिएका हुन् । यो संगै नेपालमा संक्रमित हुनेको संख्या २ लाख ८१ हजार ५ सय ८७ पुगेको छ ।
२४ घण्टामा ३ हजार १ सय २५ जनाको पिसिआर परीक्षण भएको छ ।यो सँगै २३ लाख २५ हजार ९ सय ५९ जनाको पिसिआर भएको जनाईएको छ । पछिल्लो २४ घण्टामा ४ सय ५१ जनाको एन्टिजन विधिबाट परीक्षण गर्दा २३ जना र पिसिआर विधिबाट परीक्षण गर्दा ५८० मा कोरोना पोजेटिभ देखिएको छ ।
देशभर सक्रिय संक्रमितको संख्या ४ हजार ५६ रहेको छ । होम आइसोलेसनमा रहनेको संख्या ३ हजार ५ सय ९९ रहेको छ भने संस्थागत आइसोलेसनमा ४ सय ५७ रहेको छ ।
पछिल्लो २४ घण्टामा १ सय २९ जना निको भएका छन् । कुल निको हुनेको संख्या २ लाख ७४ हजार ४ सय ४७ पुगेको छ ।नेपालमा कोरोना भाइरस संक्रमित निको हुने प्रतिशत ९७।५ रहेको छ ।
स्वास्थ्य तथा जनसंख्या मन्त्रालयका अनुसार २४ घण्टामा कोरोनाबाट मृत्यु हुनेको संख्या ३ रहेको छ । कोरोना भाइरसबाट मृत्यु हुनेको संख्या ३ हजार ६१ पुगेको छ ।
हाल क्वारेन्टिनमा ७९ जना रहेको छ । त्यस्तै आइसीयूमा अहिले ८० जना र भेन्टिलेटरमा २५ जनाको उपचार भईरहेको छ ।
