शुक्र, अशोज ३, २०८१
३ वर्ष पहिले
बैशाख-२, स्वास्थ्य तथा जनसंख्या मन्त्रालयका अनुसार पछिल्लो २४ घण्टामा ४ सय ९० जना संक्रमित थपिएका हुन् । यो संगै नेपालमा संक्रमित हुनेको संख्या २ लाख ८२ हजार ५४;पुगेको छ ।
२४ घण्टामा ३ हजार ५ सय ८८ जनाको पिसिआर परीक्षण भएको छ ।यो सँगै २३ लाख २९ हजार ५ सय ४७ जनाको पिसिआर भएको जनाईएको छ । पछिल्लो २४ घण्टामा ५ सय ६४ जनाको एन्टिजन विधिबाट परीक्षण गर्दा ४४ जना र पिसिआर विधिबाट परीक्षण गर्दा ४९० मा कोरोना पोजेटिभ देखिएको छ ।
देशभर सक्रिय संक्रमितको संख्या ४ हजार ३ सय ८४ रहेको छ । होम आइसोलेसनमा रहनेको संख्या ३ हजार ८ सय ९४ रहेको छ भने संस्थागत आइसोलेसनमा ४ सय ९० रहेको छ ।
पछिल्लो २४ घण्टामा १ सय ५७ जना निको भएका छन् । कुल निको हुनेको संख्या २ लाख ७४ हजार ६ सय ४ पुगेको छ ।नेपालमा कोरोना भाइरस संक्रमित निको हुने प्रतिशत ९७.४ रहेको छ ।
स्वास्थ्य तथा जनसंख्या मन्त्रालयका अनुसार २४ घण्टामा कोरोनाबाट मृत्यु हुनेको संख्या ५ रहेको छ । कोरोना भाइरसबाट मृत्यु हुनेको संख्या ३ हजार ६६ पुगेको छ ।
हाल क्वारेन्टिनमा ६८ जना रहेको छ । त्यस्तै आइसीयूमा अहिले ९१ जना र भेन्टिलेटरमा ३५ जनाको उपचार भईरहेको छ ।
