आइत, मंसिर ८, २०८१
४ वर्ष पहिले
बैशाख-१२, स्वास्थ्य तथा जनसंख्या मन्त्रालयले कोरोना संक्रमणको चक्र रोक्न नसके अस्पतालमा बिरामी राख्ने ठाउँसमेत नहुने चेतावनी दिएको छ ।
मन्त्रालयका सहप्रवक्ता डा. समीरकुमार अधिकारीले आइतबार एक विज्ञप्ति जारी गरी कोरोना नियन्त्रणका लागि सरकारले तोकेका मापदण्ड नै निर्विकल्प उपाय भएको भन्दै त्यसको पालन गर्न आग्रह समेत गरेको छ ।
विज्ञप्तिमा कोरोना संक्रमण र उपचारको दुखद दृश्य स्वास्थ्यकर्मीहरुले दैनिक रुपमा देखिरहेको बताएका छन् ।
‘व्यक्ति–व्यक्तिले निर्वाह गर्नसक्ने भूमिकाबाट कसैलाई पनि विचलित हुन नदिऔं, खबरदारी गरौं,’ मन्त्रालयद्वारा जारी विज्ञप्तिमा भनिएको छ ।
संक्रमण रोकथामका लागि जनस्वास्थ्यका मापदण्ड (मास्क लगाउने, दूरी कायम गर्ने र स्यानिटाइजर गर्ने) लाई कडाइका साथ पालना गर्न पनि मन्त्रालयले अनुरोध समेत गरेको छ ।
