शुक्र, अशोज ३, २०८१
३ वर्ष पहिले
बैशाख-१६, काठमाडौँ उपत्यका लगडाउनका कारण अन्य जिल्लाबाट पृथ्वी राजमार्ग हुँदै काठमाडौ उपत्यका छिर्ने सयौंको संख्यामा रहेको यात्रुबाहक बस, जिप तथा ट्याक्सी मुग्लिनमा रोकिएको छ ।
काठमाडौँ जाने यात्रुबाहक बस, ट्याक्सी तथा जीप रोकिए पनि मालवाहक साधनहरु तथा धादिङ तर्फ जाने यात्रुबाहक बसहरु लाई भने निर्वाध रुपमा चल्न दिएको छ ।
काठमाडौँ उपत्यकामा तीव्ररुपमा कोरोना संक्रमण फैलिएपछि सरकारले आजको दिन बाटै काठमाडौँ उपत्यकामा २ हप्ताको लागि लगडाउन गरेको थियो । लगडाउन संगै लाखौंका संख्यामा काठमाडौँ उपत्यकाबाट घर फर्किनेको लस्कर भएपनि सयौंको संख्यामा उपत्यका छिर्ने यात्रुहरु भने मुग्लिनमा अलपत्र परेका हुन् ।
देशकै अति कोरोना संक्रमित क्षेत्रहरु जस्तै बाँके, वर्दिया, धनगढीबाट आएका सयौं यात्रीहरु मुग्लिनमा अलपत्र पर्दा मुग्लिनबासीमा संक्रमणको जोखिम बढेको भन्दै स्थानीयहरु आक्रोशित भएका छन् ।
स्मरणिय यो पनि छ कि आजको राती १२ बजेबाट यस चितवन जिल्लामा पनि निषेधाज्ञा जारीे भइसकेको छ ।
