सोम, अशोज ६, २०८१
३ वर्ष पहिले
जेठ-६, नेकपा एमालेका नेता तथा गृहमन्त्री रामबहादुर थापा बादललाई हराउँदै विपक्षी संयुक्त प्यानलका खिमलाल देवकोटा राष्ट्रियसभा उपनिर्वाचनमा विजय भएका छन् ।
बिहीबार सम्पन्न बागमती प्रदेशको रिक्त राष्ट्रियसभा सदस्य पदको उपनिर्वाचनमा बादलले ल्याएको ४०१४ मतको बिरुद्ध खिमलालले ५०८८ मत ल्याएर विजयी हुन सफल भएका हुन् ।
स्थानीय तहमा देवकोटाले १२८ मत पाउँदा बादलले १०३ मत मात्रै पाए । २ मत नेमकिपाका उम्मेदवार कृष्णबहादुर तामाङले पाएका छन् । खिमलालले पाएको १२८ मतको मतभार २३०४ हुन्छ । बादलले पाएको मतभार १८५४ हुन्छ ।
त्यस्तै, प्रदेशसभामा बादलले ४५ मत पाउँदा खिमलालले ५८ तथा तामाङले २ मत पाए । बादलले पाएको ४५ मतको मतभार २१६० हुन्छ भने खिमलालले पाएको ५८ मतको मतभार २७८४ हुन्छ ।
