सोम, अशोज ६, २०८१
३ वर्ष पहिले
जेठ-१२, निषेधाज्ञाको समयमा चितवनको भरतपुर महानगरपालिकाका कमलनगर, पुतलीबजार र पोखरा बसपार्क क्षेत्रमा पसल सञ्चालन गर्ने सात जनालाई जिल्ला प्रहरी कार्यालय चितवनले पक्राउ गरेको छ ।
जिल्ला प्रहरी कार्यालय चितवनका अनुसार प्रशासनले जारी गरेको सूचना विपरीत अटेर गरी पसल किराना पसल, फेन्सी पसल लगायतका व्यवसाय सञ्चालन गर्ने सात जनालाई बुधबार बिहान नियन्त्रणमा लिइएको हो ।
निषेधाज्ञाको अवधिमा छिटपुट मात्रामा पसल खुल्न थालेपछि प्रशासनले निगरानी बढाएको थियो ।पक्राउ परेका व्यवसायीलाई निषेधाज्ञा उल्लंघन गरी पसल सञ्चालन गरेको कसुर अनुसार जरिवाना गरी छाडिने जिल्ला प्रहरी कार्यालय चितवनले जनाएको छ ।
