शनि, मंसिर ७, २०८१
३ वर्ष पहिले
असार-११,चितवनको इच्छाकामना गाउँपालिका स्थित मुग्लिनमा निषेधाज्ञा उल्लंघन गरी होटल तथा पसल संचालन गर्ने ४ जनालाई ईलाका प्रहरी कार्यालय मुग्लिनले कारबाही गरेको छ ।
मुग्लिन बजारमा पटक पटक सचेत गराउँदा पनि वेवास्ता गरि निषेधाज्ञाको उल्लघंन गरि होटल, किराना पसल,मासु पसल एवं फलफूल तथा तरकारी पसल संचालन गर्ने ४ जनालाई हिजो राति नसीहत सहित पाँच सय रुपैयाँ जरिवाना गराएको ईलाका प्रहरी कार्यालय मुग्लिनका प्रमुख प्रहरी निरीक्षक सुर्य बहादुर रानाले जनाएको छ ।
ईलाका प्रहरी कार्यालय मुग्लिनका प्रमुख रानाका अनुसार पहिलो चरणमा नसियत सहित न्यून जरिवाना लगाइएको र अब आइन्दा निषेधाज्ञा उल्लंघन गरेको पाइएमा नियमानुसार थप कडा कारवाही गरिने जनाएको छ।
