शनि, पुस ५, २०८१
३ वर्ष पहिले
असार-१४,उपत्यकाका तीन वटै जिल्लाका प्रमुख जिल्ला अधिकारीहरुको आज बसेको बैठकले उपत्यकामा जारी निषेधाज्ञा खुकुलो गर्दै असार २१ गते सम्मको लागि थप गरिएको छ । थपिएको निषेधाज्ञामा सार्वजनिक सवारीसाधन पनि सञ्चालन गर्न पाइने भएको छ।
गत वैशाख १६ देखि काठमाडौं उपत्यकामा जारी निषेधाज्ञामा सार्वजनिक सवारीसाधन सञ्चालन गर्न दिइएको थिएन । निजी सवारीसाधन भने अघिल्लो हप्तादेखि जोर\बिजोर प्रणालीमा चलाउन दिइएको छ। अबको निषेधाज्ञामा काठमाडौं उपत्यकामा २५ सिट माथिका सार्वजनिक बस पनि चल्न दिने भएको छ । तर, सार्वजनिक यातायातमा पनि निजी यातायातमा जस्तै जोर\विजोर लागु हुने काठमाडौंका प्रमुख जिल्ला अधिकारी कालि प्रसाद पराजुलीले जानकारी दिए ।
बिहान ६ बजेदेखि बेलुका ७ बजेसम्म चलाउन पाइने सार्वजनिक यातायातमा स्वास्थ्य मापदण्ड पालना गर्नुपर्ने, बसमा स्यानिटाइजर राख्ने तथा सिटमा यात्रुको दूरी कायम हुनुपर्ने छ ।
