मङ्ल, अशोज ७, २०८१
३ वर्ष पहिले
असार-२०,चितवनको भरतपुर महानगरपालिका १ आँपटारी स्थित पानी ट्याङकी ओरालोमा नारायणगढबाट लम्जुङतर्फ जादै गरेको ग १ ख ९७५६ नम्बरको फलाम लोड भएको ट्रकले बिपरीत दिशाबाट आई रहेको प्रदेश ३-००३ प ३५४३ नम्बरको स्कुटर र प्रदेश २-०३-००७ प ७१९६ नम्बरको स्कुटरलाई ठक्कर दिंदा एक जनाको घटनास्थलमा मृत्यु भएको छ भने तीनजना धाईते भएका छन् ।
घटनास्थलमा मृत्यु हुनेमा प्रदेश ३-००३ प ३५४३ नम्बरको स्कुटर पछाडि सवार देवघाट गाउँपालिका वडा नं. १ तनहुँ बस्ने चिनिमाया पौडेल रहेकी जिल्ला प्रहरी कार्यालय चितवनले जानकारी दिएको छ ।
सोही स्कुटर चालक भरतपुर महानगरपालिका वडा नं. ११ निवासी ३५ वर्षिय पुष्पराज बाँस्तोलाको कलेज अफ मेडिकल साईन्सेस (पुरानो मेडिकल कलेज) मा उपचार भईरहेको र अवस्था गम्भीर रहेको प्रहरीले जनाएको छ ।
त्यस्तै प्रदेश २–०३–००७ प ७१९६ नम्बरको स्कुटर चालक देवघाटकै ३० वर्षिय तिलबहादुर गुरुङ र सोही स्कुटरको पछाडि सवार देवघाटकै सिरु गुरुङको चितवन मेडिकल कलेजमा उपचार भईरहेको छ ।
उहाँहरुको अवस्था सामान्य रहेको जिल्ला प्रहरी कार्यालय चितवनले जानकारी दिएको छ । मृतक पौडेलको शव भरतपुर अस्पतालको शवगृहमा राखिएको छ भने ट्रक र चालकलाई प्रहरीले नियन्त्रणमा लिएको छ ।
