शुक्र, अशोज ३, २०८१
३ वर्ष पहिले
असार-२०,मुग्लिन नारायणगढ सडकखण्डको सेतीदोभानमा आएको पहिरोलाई मेशिन लगाएर सफा गरे तापनि लगातार ढुंगा तथा माटो झरिरहेकोले सो सडकको दुवै तर्फको सवारी साधनलाई रोकिएको छ ।
इलाका प्रहरी कार्यालय मुग्लिनका प्रहरी प्रमुख सुर्य बहादुर रानाका अनुसार ‘सेती दोभानमा दुवै तर्फको बाटो खुलाउने क्रममा पहिरोमा ठूलो ढुङ्गा अड्केको र जुनसुकै बेला पनि सो ढुङ्गा खसेर सवारी साधनलाई ठूलो क्षति पुर्याउन सक्ने भएकोले रातको समयमा नारायणगढबाट मुग्लिन तर्फ हिडेको सवारी साधनहरू जुगेडीमा र काठमाडौँ, पोखराबाट नारायणगढतर्फ हिँडेका सवारीसाधनहरु मुग्लिनमा रोकिएको हो’ ।
प्रहरी निरीक्षक रानाका अनुसार दुवै तर्फ रोकिएका सवारी साधनहरुलाई भोलि बिहान उज्यालोमा मात्रै छाडिने बताएको छ ।
