मङ्ल, अशोज ७, २०८१
३ वर्ष पहिले
असार-२८, अविरल वर्षाले मुग्लिन–नारायणगढ सडक खण्डको विभिन्न ठाउँमा भत्केको तथा बिग्रिएको समयमै मर्मत गर्न सडक विभागले मातहतका निकायहरुलाई निर्देशन दिएको छ ।
वर्षाले गर्दा सडक भासिएर धेरै जसो स्थानहरुमा सवारी एकातर्फी मात्र सञ्चालन गर्दा सवारी जामको समस्या आउने भएकोले त्यस्ता स्थानहरुमा तत्काल दोहोरो सवारी चल्ने गरी काम गर्न विभागले निर्देशन दिइएको हो । जस अनुरुप ठाँउ ठाँउमा खसेको पहिरो हटाउने सडक भासिएका स्थानहरुमा तत्काल वैकल्पिक व्यवस्था गर्ने र सडक सुचारु गराउने गरी काम भई रहेको पनि सडक विभागले जनाएको छ ।
ठूला ठूला पहिरो खसेको स्थानमा पहिरो पन्छाई सडक सुचारु गराउन थप मेसिनहरुको ब्यवस्था गर्ने पनि विभागले जनाएको छ । यस वर्ष वर्षा अत्यधिक भएकोले पृथ्वी राजमार्गलगायत मुग्लिन नारायणगढ सडक खण्डमा खसेको पहिरोले यात्रुहरुलाई निकै समस्या उत्पन्न भएको छ ।
