बिहि, पुस १०, २०८१
३ वर्ष पहिले
इच्छाकामनामा विभिन्न पार्टी परित्याग गरी १ सय ११ जना काग्रेसमा प्रवेश
श्रावण २३, कुरिनटार ।
कुरिनटार । पार्टी प्रवेश तथा शुभकामना कार्यक्रममा १ सय ११ जनाले नेपाली काग्रेसमा प्रवेश गरेका छन् ।
नेपाली काँग्रेस गाउँ कार्य समिति इच्छाकामनाले शनिबार कुरिनटारमा गरेको कार्यक्रममा नेकपा (एमाले), माओवादी (केन्द्र) पार्टी परित्याग गरि काँग्रेसमा प्रवेश गरेकाहरुलाई नेपाली काग्रेस जिल्ला सभापति जितनाराण श्रेष्ठ, इच्छाकामना गाउ कमिटि सभापति कृति कुमार श्रेष्ठ लगाएतले स्वागत गरेका थिए ।
पार्टी परित्याग गरी नेपाली काँग्रेसमा प्रवेश गर्नेहरुमा नेकपा (एमाले) जिल्ला सदस्य चन्द्र बहादुर परियार र माओवादी (केन्द्र) इच्छाकामनाका नेता चन्द्र बहादुर प्रजा रहेका छन् ।
नेकपाले जनतालाई दिएको आश्वासन पुरा गर्न नसकेको, नेकपाका नेताहरु भ्रष्टचार तथा आर्थिक अनियमिततामा बढी सक्रिय देखिएको,, नेकपाभित्र बस्दा भविष्य नभएको नवप्रवेशीले बताएका छन् ।
कार्यक्रममा बोल्दै जिल्ला सभापती श्रेष्ठले अन्य पार्टी परित्याग गरी नेपाली काँग्रेस प्रवेश गर्नेहरुको लहर चलेको हुँदा चाडैनै जिल्लाका सबै पालिकाहरुमा पार्टी प्रवेश अभियान चलाउने बताएका छन् ।
