शुक्र, मंसिर ६, २०८१
३ वर्ष पहिले
साउन-२७, भरतपुर महानगरले महानगरका भित्रका ५ वटा सरकारी विद्यालयलाई स्कुल बस प्रदान गरेको छ ।महानगरले नारायणी नमुना मावि, कविलास मावि, भीमनगर मावि, प्रभात मावि र लक्ष्मी माविलाई स्कुल बस हस्तान्तरण गरेको हो ।
एक कार्यक्रम आयोजना गरि महानगर प्रमुख रेणु दाहालले विद्यालयका अध्यक्ष र प्रअ लाई रुट पर्मिट र ईन्सुरेन्ससहित बसको साँचो हस्तान्तरण गरेकी हुन् ।
सामुदायिक विद्यालयको शिक्षाको स्तर विकास गरी विद्यार्थी र अभिभावकको प्रमुख रोजाइमा पार्ने योजना र उद्देश्यका साथ महानगरले बस सहयोग गरेको महानगर प्रमुख दाहालले बताएकी छन् ।
अघिल्लो आर्थिक वर्षको बजेटबाट महानगरले विद्यालयलाई बस प्रदान गरेको महानगरका प्रमुख प्रशासकीय अधिकृत भोजराज खतिवडाले बताए ।
चालु आर्थिक वर्षमा पनि स्कुल बस दिने कार्यक्रमलाई निरन्तरता दिइने खतिवडाको भनाई छ । महानगरले यस अघि विद्यार्थीका लागी साइकल हस्तान्तरण समेत गरेको थियो भने विद्यालयको भौतिक संरचना सुधार देखी शैक्षिक सुधारका धेरै राम्रा कार्यक्रमहरू गरिसकेको खतिवडाले बताए ।
