आइत, पुस ६, २०८१
३ वर्ष पहिले
साउन-३०, भरतपुर विमानस्थलको विशिष्ट कक्षमा आगलागी भएको छ । शनिबार बिहान ६ः४५ बजे विद्युत् चुहावट भएर आगलागी भएको विमानस्थलले जनाएको छ ।
विमानस्थलका सूचना अधिकारी पुष्कलराज शर्माका अनुसार विशिष्ट कक्षमा भएको आगलागी ७ बजे नियन्त्रणमा आएको हो । त्यही रहेका अग्निनियन्त्रक साधनले आगो नियन्त्रणमा लिइएको उनले बताए ।
आगलागीबाट विशिष्ट कक्ष पूर्णरुपमा क्षति भएको छ । थप क्षतिको विवरण भने केन्द्रीय कार्यालयबाट प्राविधिक समूह आएर हेरेपछि मात्र भन्न सकिने उनले बताए ।
