भदौ-३, सरकारले भदौ ७ गते सापारु अर्थात् गाईजात्राको दिन देशभरका नेवार समुदायलाई सार्वजनिक विदा दिने भएको छ ।

बिहीबार बसेको मन्त्रपरिषद बैठकले भदौ ७ गते गाईजात्राको दिन नेवार समुदायलाई सार्वजनिक विदा दिने निर्णय गरेको सरकारका प्रवक्ता कानुन न्याय तथा संसदीय मामिलामन्त्री ज्ञानेन्द्रबहादुर कार्कीले जानकारी दिए ।

यसअघि काठमाडौं उपत्यकामा मात्र गाईजात्राको दिन नेवार समुदायलाई विदा दिने गरेको थियो । नेपालका नेवारहरुको प्रतिनिधित्वमुलक साझा राष्ट्रिय संगठन ” नेवा: देय् दबू ” ले सापारु अर्थात गाईजात्रा पर्बमा उपत्यकामा मात्र दिइदै आएको सार्बजनिक बिदा मुलुक भर गर्नु पर्ने माग राख्दै ज्ञापन पत्र बुझाएको थियो ।

त्यसैगरी सरकारले भदौ १४ गते कृष्ण जन्माष्टमीको दिन पनि सार्वजनिक विदा दिने निर्णय गरेको छ ।