शनि, मंसिर ७, २०८१
३ वर्ष पहिले
भदौ-९, कोरोना भाइरसको महामारीबीच मंगलबार जापानको टोकियोमा पारालिम्पिक खेलकुदको भव्य उद्घाटन भएको छ ।
टोकियो पारालिम्पिकमा १६२ राष्ट्रका ४ हजार ४ खेलाडीले प्रतिस्पर्धा गर्दैछन् । जसले २२ खेलबाट ५३९ पदकको लागि प्रतिस्पर्धा गर्ने छ ।
उद्घाटनको मार्च पासमा नेपालबाट एक मात्र खेलाडीले पलेशा गोवर्धनले नेपालको झण्डा बोकेकी थिइन् ।
पारा तेक्वान्दो खेलाडी पलेशा गोवर्धनले नेपालको प्रतिनिधित्व गर्दै ४४ क्याटगोरी अन्तर्गत महिला ५८ केजी मुनि तौल समूहमा खेल्दैछिन् ।
पारालिम्पिकमा सहभागिता जनाउन पलेशासहित ६ सदस्यीय नेपाली टोली टोकियोमा रहेको छ । कविराज नेगी लामा प्रशिक्षक, दीपक विष्ट अफिसियल, सरोज श्रेष्ठ सेफ दि मिसन, डा. दीपक श्रेष्ठ फिजियो र विश्वास बस्नेत कोभिड लाइसेन्स अफिसरका रुपमा नेपालको प्रतिनिधित्व गर्दै जापान गएका छन् ।
