आइत, कार्तिक २४, २०८१
३ वर्ष पहिले
भदौ-१७, फिफा विश्वकप २०२० अन्तर्गत युरोपेली छनोटको समूह ए मा कप्तान क्रिस्टियानो रोनाल्डोले अन्तिम समयमा दुई गोल गरेपछि पोर्चुगलले रिपब्लिक अफ आयरल्यान्डलाई २-१ ले पराजित गर्नुका साथै अन्तर्राष्ट्रिय फुटबलमा सर्वाधिक गोल गर्ने खेलाडी पनि बनेका छन्।
इरानका अली दाइको नाममा रहेको १ सय ९ गोलको कीर्तिमानलाई तोड्दै यो उपलब्धि रोनाल्डोले आफ्नो नाम गरेका हुन् । रोनाल्डोले सो खेलमा २ गोल गर्दै आफ्नो अन्तर्राष्ट्रिय गोल संख्या १ सय ११ पुर्याएको छ ।
आयरल्यान्ड विरुद्धको खेलमा खेलको १५ औं मिनेटमा रोनाल्डोले पेनाल्टी चुकाएपनि खेलको ८९ औं र इन्ज्युरी समयको छैटौं मिनेटमा गोल गर्दै जित दिलाएको थियो ।
यसअघि खेलको ४५ औं मिनेटमा आयरल्यान्डका जोन इगनले गोल गर्दै अग्रता दिलाएका थिए ।
