बिहि, मंसिर ५, २०८१
३ वर्ष पहिले
भदौ-१९, बीपी कोइराला स्मृति ट्रष्टले प्रत्येक वर्ष प्रदान गर्दै आएको बीपी साहित्य सम्मान पुरस्कार यसपटक आधुनिक नेपाली साहित्यका वरिष्ठ कवि मदन रेग्मी र ट्रष्टले प्रत्येक वर्ष प्रदान गर्ने बीपी सेनानी पुरस्कार यस पटक भक्तपुर जिल्लाका प्रजातन्त्र सेनानी तिलक प्रकाश कायस्थलाई दिने निर्णय गरेको छ ।
पाँच दशकभन्दा पहिलेदेखि साहित्य साधनामा रहेर, नेपाली काव्य साहित्यमा महत्वपूर्ण योगदान पुर्याउने कवि मदन रेग्मीका कविता संग्रहरु र अरु धेरै साहित्यिक कृतिहरु प्रकाशित छन् । उनले नेपाली साहित्यको श्रीवृद्धिमा पुर्याएको योगदानको सम्मान गर्दै यो पुरस्कार दिने निर्णय गरिएको हो
त्यसरी नै लामो समयसम्म जेलमा र निर्वासनमा रहेर प्रजातन्त्र स्थापना, पुनःस्थापना तथा लोकतान्त्रिक गणतन्त्र स्थापनामा समेत योगदान पुर्याएको प्रजातन्त्र सेनानी कायस्थलाई योगदानको कदर गर्दै यो पुरस्कार दिने निर्णय गरेको हो ।
यि दुबै पुरस्कार बीपी जयन्तीको दिन, यही भदौ २४ गते प्रदान गरिने छ । यो नगद पुरस्कारको राशी एक लाख एक हजार र एकाउन्न हजार रहेको छ । ट्रष्टका कोषाध्यक्ष पुरुषोत्तम बस्नेतको संयोजकत्वमा ट्रष्टका सदस्यहरु — डा धुब्रचन्द्र गौतम् र सुशील मान शेरचन समेतको सिफारिस समितिको सर्वसम्मतिबाट यो निर्णय गरिएको हो ।
