बुध, पुस ९, २०८१
३ वर्ष पहिले
असोज-१७, भारतको उत्तर प्रदेश स्थित लाखिम्पुर खेरी जिल्लामा किसानले गरेका आन्दोलनको क्रममा मारिएको ८ जनालाई ७२/७२ लाख रुपैयाँ क्षतिपूर्ति दिने भएको छ ।
अन्तर्राष्ट्रिय सञ्चार माध्यमका अनुसार कृषि कानुनको विरोध गरिरहेका किसानहरुले आइतबार केंद्रीय मंत्री अजयकुमार मिश्र र उत्तरप्रदेशको उपमुख्यमंत्री केशवप्रसाद मैर्यको भ्रमण रोक्ने प्रयासको क्रममा नेता सवार दुई वटा जिप आन्दोलनकारीमाथि नै कुदाइएको थियो ।
आन्दोलनकारीमाथि नै गाडी कुदाइएपछि भड्किएको हिंसामा ४ जना किसान सहित ८ जनाको मृत्यु भएको थियो भने कयौँ घाइते भएका थिए ।
आन्दोलनलाई थप हिंसात्मक हुनबाट रोक्नको लागि आन्दोलनकारी र स्थानीय प्रशासनबीच वार्ता भएपछि आन्दोलनमा मारिएका ८ जनालाई ७२/७२ लाख दिने र प्रत्येक घाइतेलाई १६/१६ लाख क्षतिपूर्ति दिने सहमति भएको भारतीय सञ्चारमाध्यमले जनाएको छ।
