शुक्र, अशोज ३, २०८१
३ वर्ष पहिले
असोज-२८,माल्दिभ्समा जारी साफ च्याम्पियनसिप २०२१ को उपाधिका लागि नेपाल भारतसँग भिड्ने भएको छ।
गएराति भारतले आयोजक एवं डिफेन्डिङ च्याम्पियन माल्दिभ्सलाई ३/१ गोल अन्तरले हराउँदै फाइनल प्रवेश गरेको हो। भारतलई जिताउने क्रममा भारतीय टिमका क्याप्टेन सुनिल क्षेत्रीले दुई गोल र मानबीर सिंहले एक गोल गरेका थिए। माल्दिभ्सको तर्फबाट अस्फकले एक गोल फर्काएका थिए ।
यसअघि नै नेपाल बङ्गलादेशसँग १/१ गोलको बराबरी खेली फाइनल प्रवेश गरिसकेको छ ।
नेपालले ४ खेलबाट ७ अंक बटुलि दोस्रो स्थानमा रहदै फाइनल प्रवेश गरेका हो भने भारतले ४ खेलबाट ८ अंक बटुल्दै पहिलो स्थानमा रहेर फाइनलमा नेपालसँग भेट पक्का गरेको हो ।फाइनल खेल शनिबार हुनेछ ।
