शुक्र, अशोज १०, २०८१
३ वर्ष पहिले
कार्तिक-३, बेमौसमी वर्षापछि मुलुकको विभिन्न स्थानमा आएको बाढीपहिरो र डुबानमा परेर ५२ जनाको मृत्यु भएको छ । ३१ जना बेपत्ता भएका छन् ।
गृह मन्त्रालयले जनाए अनुसार मृत्यु हुनेमा सबैभन्दा बढी इलाममा १३ र डोटीमा १२ जना छन् । त्यस्तै हुम्ला, धनकुटा र पाँचथरमा ६-६ जनाको मृत्यु भएको छ ।
बैतडीमा चार, कालीकोटमा एक, डडेलधुरामा एक, प्यूठानमा एक, सुनसरीमा दुई र उदयपुरमा एकजनाको मृत्यु भएको छ ।
पहिरोमा परेर सबैभन्दा बढी बझाङमा २३ जना बेपत्ता भएका छन् । यस्तै डोटीमा एक, प्यूठानमा दुई, इलाममा पाँचजना बेपत्ता छन् । विभिन्न जिल्लामा अहिलेसम्म २३ जना घाइते भएका छन् ।
हराएकाहरूको खोजी कार्य र फसेकाहरूको उद्धार कार्य जारी रहेको गृह मन्त्रालयले जनाएको छ ।
