शुक्र, अशोज १०, २०८१
३ वर्ष पहिले
मंसिर-१६, राष्ट्रिय प्रजातन्त्र पार्टीको काठमाडौंमा जारी महाधिवेशनमा अध्यक्ष पदका लागि उम्मेदवारी दिन १ लाख रुपैयाँ शुल्क तोकिएको छ ।यो अन्य पार्टीको महाधिवेशनमा उम्मेदवारले तिर्ने भन्दा निकै महँगो शूल्क हो ।
उपाध्यक्षमा उम्मेदवारी दिनेका लागि ७५ हजार रुपैयाँ र महामन्त्री पदका लागि ५० हजार रुपैयाँ शूल्क तोकिएको छ । सबैभन्दा कम शुल्क केन्द्रीय सदस्य पदका लागि १५ हजार रुपैयाँ राखिएको छ ।
उम्मेदवारी दर्ता गरी निर्धारित समयमा फिर्ता नलिएमा रकम राप्रपाको कोषमा दाखिला हुने बुझिएको छ ।
राप्रपामा अध्यक्ष १, महिलासहित ४ उपाध्यक्ष, महिलासहित ३ महामन्त्री र १४१ केन्द्रीय सदस्य चयन हुने भएको छ ।
बिहिबारदेखि सुरु भएको राप्रपाको महाधिवेशनमा अध्यक्ष पदमा कमल थापा र राजेन्द्र लिङ्देनबीच प्रतिस्पर्धा हुँदैछ । साँझ ५ बजे उम्मेदवारहरूको अन्तिम नामावली प्रकाशन हुँदैछ ।
