शनि, अशोज ११, २०८१
३ वर्ष पहिले
पुष-१८, धनुषामा आन्दोलन गर्दै आएको सिके राउत नेतृत्वको जनमत पार्टीका कार्यकर्ता र प्रहरीबीच झडप हुँदा प्रहरीले गोली चलाएको छ ।
धनुषाको गणेशमान चारनाथ नगरपालिका ८ पोर्ताहा पुलमा टायर बालेर बाटो अवरूद्ध गरेका कार्यकर्तालाई हटाउने क्रममा प्रहरीले गोली चलाउँदा सो पार्टीका ५ जना कार्यकर्ताहरु घाइते भएका छन् ।
घाइते हुनेमा नथुनी यादव, विजय यादव, रामदयाल मुखिया, बैजनाथ यादव र सन्जय साह रहेका छन् । घाइते मध्ये २ जनाको टाउकोमा गम्भिर चोट लागेको छ भने ३ जनाको खुट्टा चोट लागेको जनाइएको छ । टाउकोमा गम्भिर चोट लागेकाहरुको अवस्था गम्भिर रहेको छ ।
त्यसैगरी सो घटनामा परि दुई प्रहरी घाइते भएका छन्।घाइते प्रहरी जवान विवेक कुमार साह र नारायण चौधरीको उपचार भइरहेको छ।
