पुष-२५, नेकपा एमाले तनहुँको नवौं अधिवेशनबाट श्रीप्रसाद श्रेष्ठ अध्यक्षमा सर्वसम्मत निर्वाचित भएका छन् । शनिबार उम्मेदवारी दर्ताको क्रममा श्रेष्ठको मात्र उम्मेदरी परेपछि उनी सर्वसम्मत निर्वाचित भएका हुन्।

उनी यसअघि उपाध्यक्ष रहेका थिए यसैबीच अध्यक्ष बाहेक अन्य पदमा भने निर्वाचन हुने भएको छ जसअनुसार उपाध्यक्षमा हरिराज कँडेल, मेखबहादुर थापा, मोहन सुनुवार को उम्मेदवारी दर्ता भएको छ।

यस्तै सचिवमा विष्णुभक्त सिग्देल राजेश्वर ढकालले उम्मेदवारी दर्ता गराएका छन् भने उपसचिवमा प्रदिपपरस अधिकारी, खिम कुमाल देवु विष्टको उम्मेदवारी परेको छ।

आइतबार बिहान दाबी विरोध, उम्मेदवारी फिर्ताको समय तोकेको छ यदि समयभित्र उम्मेद्वारी फिर्ता नभए दिउँसो १ बजेबाट मतदानको तयारी गरिएको निर्वाचन समितिका संयोजक शिवदत्त ढकालले जानकारी दिए।