आइत, अशोज ५, २०८१
३ वर्ष पहिले
माघ-१८, चितवनमा पछिल्लो २४ घण्टामा १ सय ८८ जना कोरोना संक्रमित थपिएका छन् भने २ सय जना संक्रमित निको भएको छ।
स्वास्थ्य कार्यालय चितवनको अनुसार पछिल्लो २४ घण्टामा ५ सय ५५ जनाको पिसिआर परीक्षण गर्दा १ सय ५५ जना र ७१ जनको एन्टिजेन परीक्षण गर्दा ३८ जनामा कोरोना पुष्टि भएका छ ।
कोरोना पुष्टि भएको मध्ये भरतपुर महानगरपालिकाको १ सय १२, खैरहनी नगरपालिकाको ११, माडी नगरपालिकाको १२, रत्ननगर नगरपालिकाको ३५, राप्ती नगरपालिकाको १२, कालिका नगरपालिकाको ६ र ईच्छाकामना गाउँपालिकाको शुन्य गरी जम्मा २ सय ६७ जना कोरोना संक्रमित थपिएका छन्।
चितवनमा सक्रिय संक्रमितको संख्या ४ हजार २ सय ३८ जना पुगेको छ। जसमध्ये भरतपुर महानगरपालिकाको २ हजार ९ सय ८, खैरहनी नगरपालिकाको २ सय ३१, माडी नगरपालिकाको २ सय ९८, रत्ननगर नगरपालिकाको ४ सय ८०, राप्ती नगरपालिकाको १ सय ६५, कालिका नगरपालिकाको १ सय १२ र ईच्छाकामना गाउँपालिकाको ५६ जना रहेका छन्।
सक्रिय संक्रमित मध्ये ४३ जना विभिन्न अस्पतालको आइसोलेसनमा र ४ हजार १ सय ९५ जना घरको आइसोलेसनमा रहेका छन्।
