आइत, अशोज १२, २०८१
३ वर्ष पहिले
फागुन-४, अमेरिकी सहयोग परियोजना (एमसिसी) को विरोधमा विभिन्न ६ दलीय मोर्चाले आह्वान गरेको नेपाल बन्दका कारण चितवनमा आंशिक प्रभाव परेको छ ।
बन्दका कारण जिल्लाको मुख्य बजार नारायणगढ, टाँडी, पर्सा, भण्डारा, मुग्लिन लगायतका क्षेत्रमा बजार आंशिकरुपमा खुलेका छन् ।
स्थानीय रुटमा चल्ने सवारी साधन सञ्चालन भएका छैनन् । तर, मालबहाक सवारी तथा लामो दुरीका सवारी साधनहरु निर्वाध सञ्चालनमा छन् ।
बन्द कर्ताहरु नारायणगढको लायन्स चोक र पुलचोकमा एमसीसीको विरोधमा नाराबाजी गरिरहेका छन् ।बन्दको पूर्वसन्ध्यामा हिजो साँझ नारायणगढमा मसाल जुलुस समेत निकालिएको थियो ।
एमसीसी सम्झौता खारेज हुनुपर्ने माग गर्दै आन्दोलनमा रहेका नेपाल कम्युनिस्ट पार्टी, नेकपा (क्रान्तिकारी माओवादी), देशभक्त गणतान्त्रिक मोर्चा, नेपाल, नेकपा, वैज्ञानिक समाजवादी कम्युनिस्ट पार्टी नेपाल र नेकपा माओवादी केन्द्र समाजवादीले बन्द आह्वान गरेका हुन् । नेपाल सरकारले आज संसदमा एमसिसी टेबल गर्ने तयारी गरेको छ ।
