शुक्र, अशोज ३, २०८१
३ वर्ष पहिले
२१ फागुन, चितवन
नेपाली कांग्रेस चितवनको सभापति पदका लागि भएको निर्वाचनमा विजेताले ५० प्रतिशत भन्दा बढी मत ल्याउन नसकेपछि पुन: दोस्रो चरणको मत हुने भएको छ । पहिला चरणको मतदानबाट सबैभन्दा बढी मत ल्याएका राजेश्वर खनाल र मिलनबाबु श्रेष्ठ बीच दोस्रो चरणको मतदान हुन लागेको हो ।
खनालको पक्षमा सर्वाधिक ७ सय ४६ मत र श्रेष्ठको पक्षमा ६ सय ६२ मत खसेको थियो । त्यस्तै उक्तम जोशीको ४ सय ७२, डा. सूर्यकान्त घिमिरेको ४ सय २६ र कैलाश कोइरालाको ४ सय १२ मत रहेको थियो । राति ११ बजे देखि शुरु गरिएको सभापति पदको गणनाको अन्तिम परिणाम विहान ३ बजे सार्वजनिक भएको थियो ।
दोस्रो चरण मतदान आज १२ः३० देखि ४ बजे सम्म हुने जिल्ला निर्वाचन समितिका संयोजक ज्ञानेन्द्र प्रसाद अधिकारीले जनाएका छन् । श्रेष्ठ शेरबहादुुर र खनाल शेखर कोइराला पक्षधरका नेता हुन् ।
