आइत, अशोज १२, २०८१
३ वर्ष पहिले
फागुन-२६, चितवनको इच्छकामना गाउँपाालिका भालुमारामा बिहीबार बिहान ५:३० बजेको समयमा जिल्ला प्रहरी कार्यालय चितवनबाट खटिएको प्रहरी टोलीले नदीजन्य पदार्थको अवैध चोरी कार्यमा संलग्न २० वटा सवारी साधन नियन्त्रणमा लिएको छ ।
प्रहरीले नदीजन्य पदार्थको उत्खनन तथा ओसारपसार गरिरहेको अवस्थामा ४ वटा जेसिबी, लोड गरिसकेको अवस्थामा १० वटा टिप्पर र ६ वटा ट्रयाक्टर गरी २० वटा सवारी साधनलाई नियन्त्रणमा लिएको हो ।
नियन्त्रणमा लिइएका सवारी साधनलाई आवश्यक कार्बाहीको लागि जिल्ला समन्वय समितिको कार्यालय भरतपुरमा बुझाइएको प्रहरीले जनाएको छ ।
