आइत, पुस २७, २०८१
३ वर्ष पहिले
फागुन-२९, पृथ्वीराजमार्गको मुग्लिन आँबुखैरेनी सडकखण्डमा भएको सवारी साधन दुर्घटनामा एक जनाको मृत्यु भएको छ।
मुग्लिन आँबुखैरेनी सडकखण्ड अन्तर्गत ऐनापहारा भन्ने स्थानमा बस र टाटा सुमो जिप एकापसमा ठोक्किँदा जिपमा सवार एकजनाको निधन भएको छ भने ३ जना सख्त घाइते भएका छन्। घाईतेलाई उपचारको लागि अस्पताल लगिएको छ।
मुग्लिनबाट आँबुखैरेनी जाँदै गरेको ग२ख ३०७ नं को बसले मुग्लिन तर्फ आउदै गरेको ग ३ च ६०१२ नम्बरको टाटा सुमोलाई ठक्कर दिँदा जिप नदी तर्फको करिब २० मिटर तल खोल्सामा खसेको छ।
दुर्घटनाका घाईतेहरुलाई नेपाली सेना तथा प्रहरीले उद्दारकार्य गरेको छ भने घटनाको विस्तृत विवरण आउन बाँकी रहेको छ।
