बिहि, अशोज २, २०८१
३ वर्ष पहिले
चैत-३, नेपाल आयल निगमले मूल्य बढाएको दुई हप्ता नबित्दै फेरि पेट्रोलियम पदार्थको मूल्य बढेको छ ।
अन्तर्राष्ट्रिय बजारबाट नै मूल्य बढेर आएपछि घाटा थेग्नै नसक्ने अवस्था भएको निगमले जनाएको छ । घाटा थेग्नै नसक्ने भएपछी पेट्रोलियम पदार्थको मूल्य वृद्धि गरिएको निगमको भनाई छ ।
निगमका अनुसार बुधबार राति १२ बजेदेखि लागू हुनेगरी पेट्रोल, डिजेल र मट्टीतेलमा प्रतिलिटर ५/५ रुपैयाँ मूल्य वृद्धि गरिएको छ।
नयाँ मुल्य सुची अनुसार पेट्रोलको प्रतिलिटर १ सय ५५ रुपैयाँ, डिजेल/मट्टीतेलको प्रतिलिटर १ सय ३८ रुपैयाँ पुगेको छ ।
यस्तै हवाई इन्धन आन्तरिकमा प्रतिलिटर १५ रुपैयाँ बढेर १ सय ५१ रुपैयाँ नयाँ मूल्य तोकिएको छ भने अन्तर्राष्ट्रियतर्फ प्रतिकिलो लिटर २०० अमेरिकी डलरले बढेर १४९५ अमेरिकी डलर पुगेको छ ।
खाना पकाउन प्रयोग हुने एलपी ग्यासको मूल्य भने यथावत नै रहेको छ । निगमले प्रतिसिलिण्डर ६ सय ६५ रुपैयाँ घाटा ग्यास विक्री गरिरहेको निगमले बताएको छ ।
