सोम, पुस २८, २०८१
३ वर्ष पहिले
चैत-२०, नेपाली कांग्रेस चितवनले ३० वैशाखमा हुने स्थानीय तह निर्वाचनमा भरतपुर महानगरपालिकाको मेयर पद गठबन्धनका अरु दललाई छाड्न नसकिने बताएको छ ।
आइतबार बसेको कांग्रेस जिल्ला कार्यसमितिको बैठकले भरतपुरको मेयर पद अरु दललाई छाड्न नसकिने निर्णय गरेको पार्टी सभापति राजेश्वर खनालले जानकारी दिए ।
भरतपुर महानगरपालिकाको मेयर पदमा कांग्रेसको उम्मेदवार रहने गरी गठबन्धनका दलहरूबीच तालमेल प्रकृया अगाडि बढाउने निर्णय गरेको जनाइएको छ ।
स्थानीय तहको निर्वाचनमा भरतपुर महानगरको मेयर पदमा कांग्रेसकै उमेदवार रहनुपर्ने अन्यथा कांग्रेस चितवन गठबन्धन नमान्ने निर्णयमा पुगेको पार्टी सभापति खनालले जानकारी दिए ।
हाल भरतपुर महानगरपालिकामा नेकपा माओवादी केन्द्रकी रेनु दाहाल मेयर छिन् । आगामी स्थानीय तह निर्वाचनमा पनि भरतपुरको मेयरमा माओवादी केन्द्रले नै दावी गरेको छ ।
