शुक्र, अशोज ३, २०८१
२ वर्ष पहिले
बैशाख-१२, चितवनको एकमात्र गाउँपालिका ईच्छाकामनामा एमालेबाट अध्यक्ष, उपाध्यक्ष एवं सातै वडाको वडाध्यक्ष र सदस्यको उम्मेदवारहरुले उम्मेदवारी दर्ता गराएका छन् ।
अध्यक्षका उम्मेदवार दानबहादुर गुरुङ र उपाध्यक्षका उम्मेदवार माया सिलवाल लगायत सबै वडाका वडाध्यक्ष एवं सदस्य उम्मेदवारहरुले सोमबार उम्मेदवारी दर्ता गराएका हुन् ।
उम्मेदवारी दर्ताका लागि सयौं संख्यामा उपस्थित नेता एवं कार्यकर्ताहरु बाजागाजासहित ईच्छाकामनाको निर्वाचन अधिकृतको कार्यालयमा पुगेका थिए ।
मनोनयन दर्ताको अवसरमा ईच्छाकामना वडा नं ५ का वडाध्यक्षको उम्मेदवार तेजबहादुर शेरचनले भने ‘लोकतन्त्र र विकासको खिलाफमा गठबन्धन भएको हुँदा जनता त्यसको विपक्षीमा रहेकोले विकासको लागि पनि एमालेको उम्मेदवारको जित निश्चित भएको र विकास प्रति हामी कटिबद्ध छौ ।’
