सोम, अशोज १३, २०८१
२ वर्ष पहिले
बैशाख-२५, आज मे ८ अर्थात विश्व रेडक्रस दिवस । नेपालसहित विश्वभर यो दिवस विविध सचेतनामुलक कार्यक्रम गरि मनाईदैँ छ ।
रेडक्रसका संस्थापक हेनरी ड्युनाको जन्मदिनमा उनले गरेको योगदानको कदर गर्दै विश्वभर आज रेडक्रस दिवसका रुपमा मनाइने गरिन्छ ।हेनरी ड्युनाले सन् १८६३ मा रेडक्रसको स्थापना गरेका थिए । कामको सिलसिलामा युरोपको युद्धग्रस्त क्षेत्रमा पुग्दा सिपाहीको दर्दनाक चोटहरु देखेपछि उनले उनीहरुको उद्धार गरि प्राथमिक सेवा गरेका थिए ।
मानवताको मुल्य र सेवालाई मध्यनजर गर्दै ड्युनाले रेडक्रस सोसाइटीको स्थापना गरेका थिए । उनको विचारलाई कदर गर्दै सन् १८६४ मा जेनेभा सम्मेलनले अधिकारीक मान्यता प्राप्त गरेको थियो । नेपालमा भने बि.स २०२० सालमा मात्र रेडक्रसको स्थापना भएको हो ।
