शुक्र, मंसिर ६, २०८१
३ वर्ष पहिले
बैशाख-२५,आज (आइतबार) कारोबारको पहिलो दिन सुनचाँदीको मूल्यमा सामान्य वृद्धि भएको छ ।सुनको मूल्य तोलामा ६०० र चाँदीको तोलामा पाँच रुपैयाँले बढेको हो ।
नेपाल सुनचाँदी व्यवसायी महासंघले आइतबारका लागि छापावाल सुनको मूल्य तोलाको ९८ हजार ६०० रुपैयाँ कायम गरेको छ । गएको शुक्रबार तोलाको ९८ हजार रुपैयाँमा कारोबार भएको थियो ।
यस्तै, आज तेजाबी सुनको मूल्य तोलाको ९८ हजार १०० रुपैयाँ कायम भएको महासंघले जनाएको छ ।आइतबार चाँदीको मूल्य तोलाको १२ सय ८५ रुपैयाँ कायम भएको छ । गएको शुक्रबार तोलाको १२ सय ८० रुपैयाँमा कारोबार भएको थियो ।
