मङ्ल, कार्तिक १९, २०८१
२ वर्ष पहिले
जेठ-९, चितवनको भरतपुर महानगरपालिकामा पाँच दलीय गठबन्धनका प्रमुख र उपप्रमुखका उम्मेदवार जित नजिक पुगेको छ।
मतगणना अन्तिम चरणमा पुग्दै गर्दा नेकपा (माओवादी केन्द्र)का प्रमुख पदका उम्मेदवार रेनु दाहाल र नेपाली कांग्रेसका उपप्रमुख चित्रसेन अधिकारी जित नजिक पुगेका हुन ।
प्रमुखमा माओवादी केन्द्रकी दाहाल १० हजार २ सय ५७ र कांग्रेसका अधिकारी १८ हजार ३२५ मतले अगाडि छन । प्रमुखमा दाहालले ४४४ हजार ५ सय ५५, एमालेका विजय सुवेदीले ३४ हजार २ सय ९८ मत ल्याउएका छन् । स्वतन्त्र उम्मेदवार जगन्नथ पौडेलले १३ हजार ५ सय ८३ मत पाएका छन् । उपप्रमुखमा अधिकारीले ४६ हजार ४ सय ७१, राप्रपाका हिमला गुरुङले २७ हजार ४ सय ४ मत ल्याएका छन् ।
प्रमुखमा दाहाल र उपप्रमुखमा अधिकारी जित नजिक पुगेका हनु । हाल वडा नम्बर २३ र २५ को मत गणना भइरहेको छ। महानगर पालिकामा २९ वडा छन् । यी दुई वडाको मत गणना पछि चार वडा मात्र गणना गर्न बाँकी रहन्छ ।
भरततपुर महानगरमा मेयर–उपमेयर गठबन्धनले जित्ने सुनिश्चित भएपछि भोलि भरतपुरमा पाँच दलीय गठबन्धनले वृहत विजय र्याली निकाल्ने भएको छ ।
महानगरको मेयरमा माओवादी र उपमेयरमा कांग्रेसको जित्ने सुनिश्चित भएपछि भोलि विहान १० बजे र्याली निकाल्ने तयारी गरिएको पाँच दलीय गठबन्धन चितवनका संयोजक कांग्रेस सभापति राजेश्वर खनाल जानकारी दिनुभयो ।
