शुक्र, मंसिर ६, २०८१
२ वर्ष पहिले
जेठ-१५, सरकारले आगामि वर्षबाट एलपी ग्यासको प्रयोगलाई निरुत्साहित गर्ने नीति लिएको छ । सरकारले एलपी ग्यास छोडौं बिजुली जोडौँ अभियान सुरु गरेको हो ।
अर्थमन्त्री जनार्दन शर्माले बजेट भाषण प्रस्तुत गर्दैै यो अभियान सुरु गरिने बताएका हुन् ।
बजेट भाषण गर्दै अर्थमन्त्री शर्माले एलपी ग्याँस छाडेर बिजुलीबाट खाना पकाउँनतिर लाग्नुपर्ने बताएका छन्।
उनले प्रत्येक परिवारलाई विद्युतीय चुल्होमा अनुदान प्रदान गर्ने र खाना पकाउँने एलपी ग्याँसको उपभोग कम गर्न ग्यासमा दिँदै आएको अनुदान कटौती गर्ने घोषणा गरे । उनको यो घोषणासँगै ग्याँसको मूल्य ६२५ रूपैयाँ बढ्ने सक्ने भएको छ ।
सरकारले अहिले प्रति सिलिण्डर ६२५ रूपैयाँ अनुदान दिँदै आएको छ । १८०० रुपैंयाँ प्रतिसिलिण्डर रहेको ग्याँसमा सरकारले दिदै आएको अनुदान कटौती गर्दा ६२५ रूपैयाँले बृद्धि भएर २४२५ रूपैयाँ पुग्नेछ ।
