बिहि, अशोज २, २०८१
२ वर्ष पहिले
असार -२४, जापानमा पूर्व प्रधानमन्त्री सिन्जो आबेमाथि गोली प्रहार भएपछि उनलाई अस्पताल भर्ना गरिएको छ ।
जापानको नारा सहरमा आयोजित एउटा राजनीतिक कार्यक्रममा सहभागी भएको बेला उनीमाथि गोली प्रहार भएको थियो । ६७ वर्षीय पूर्व नेता घटनास्थलमै ढलेको र उनको घाँटीबाट रगत बगेको थियो ।उनको अवस्था निकै गम्भीर रहेको छ ।
प्रहरीले आक्रमणकारीलाई पक्राउ गरेका छन् । पक्राउ पर्नेमा सोही सहर निवासी ४१ बर्षिया यामागाती तित्सुया रहेका अन्तर्राष्ट्रिय समाचार संस्थाहरुले जनाएको छ। यसबारे थप अनुसन्धान भइरहेको छ ।
