शुक्र, अशोज ३, २०८१
२ वर्ष पहिले
साउन-१७,आँबुखैरेनी- गोरखा सडक खण्ड अन्तर्गत मजुवामा पहिरोका कारण अवरुद्ध भएको छ । आज दिउँसो १२ः५० मा गएको पहिरोका कारण सडक अवरुद्ध भएको प्रहरीले जनाएको छ ।
यस अघि पनि पहिरो बगेको उक्त ठाउँमा माथिबाट पहिरो खसेर सडक बन्द भएको हो । आँबुखैरेनीबाट गोरखा आउँदै गरेका र गोरखाबाट आँबुखैरेनी तर्फ जाँदै गरेका सवारी साधन बिचमै रोकिएका छन् ।
सडक डिभिजन कार्यालय सँगको समन्वयमा अहिले बाटो खुलाउने तयारी भईरहेको जिल्ला प्रहरी कार्यालय गोरखाका एसपी केदार खनालले बताए । ‘अहिले बाटो पूर्ण बन्द छ’ उनले भने ‘ पहिरो पनि खसिरहेको छ ।’
